Противоречие: не нуждается Бог в кровавых жертвах и прямо их осуждает:Сообщение от ЯОлег
Псалом 49:
Бог бого́в, Госпо́дь глаго́ла
и зе́млю призва́ от восто́к до за́пад со́лнца,
благоле́пие красоты́ Его́ от Сияна.
Бог я́ве прии́дет, наш Бог,
пред Ним огнь возгори́тся, и не премолчи́т,
и бу́ря зе́льна о́крест Его́.
Призове́т свы́ше Не́бо
и зе́млю разсуди́ти лю́ди Своя́.
Собери́те Ему́ Его́ преподо́бныя,
Его́ заве́т о же́ртвах завеща́ющыя.
И возвестя́т небеса́ Его́ пра́вду,
я́ко Бог есть судия́.
вам, Изра́илю, возглаго́лю: Аз есмь Бог,
и услы́шите, лю́дие мои́,
и тебе́ засвиде́тельствую: твой Бог.
Не о же́ртвах твои́х обличу́ тя,
всесожже́ния же твоя́ предо Мно́ю суть вы́ну.
от до́му Твоего́ тельцо́в не прииму́,
от стад твои́х козло́в ниже́.
Я́ко мои́ суть дубра́внии вси зве́рие,
ско́ти в гора́х и воло́ве.
Позна́х вся пти́цы небе́сныя,
и со Мно́ю есть красота́ се́льная.
А́ще вза́лчу, тебе́ не реку́,
Моя́ бо есть вселе́нная и исполне́ние ея́.
Еда́ ям мяса́ ю́нча или́ кровь козло́в пию́?
Пожри́ Бо́гови же́ртву хвалы́
и возда́ждь Вы́шнему Твоя́ моли́твы.
И призови́ Мя в день ско́рби твоея́,
и изму́ тя, и просла́виши Мя.
Гре́шнику же рече́ Бог:
вску́ю ты пове́даеши оправда́ния Моя́
и восприе́млеши Мой заве́т усты́ твои́ми?
Ты же наказа́ние возненави́дел еси́
и отве́ргл еси́ вспять Моя́ словеса́.
А́ще ви́дел еси́ та́тя, текл еси́ с ним,
и уча́стие твое́ полага́л еси́ с прелюбоде́ем,
зло́бу умно́жиша уста́ твоя́,
и язы́к твой сплета́ше льще́ния.
Седя́, на бра́та твоего́ клевета́л еси́
и на сы́на ма́тере твоея́ полага́л еси́ собла́зн.
Сия́ сотвори́л еси́ и умолча́х,
вознепщева́л еси́ беззако́ние,
я́ко подо́бен бу́ду тебе́.
Обличу́ тя
и предста́влю пред лице́м твои́м грехи́ твоя́.
Разуме́йте, забыва́ющии Бо́га, у́бо сия́,
да не когда́ похи́тит, и не бу́дет избавля́яй.
Же́ртва хвалы́ просла́вит Мя,
и та́мо путь, и́мже явлю́ eму́ Мое́ спасе́ние.
Христианский сайт и межконфессиональный форум |
Ответить с цитированием